Қазан айының 13 жұлдызында ОБК –да «Тапқыр болсаң, талас жоқ» атты ағартушылық сабағы болып өтті. Кітапханада «Білім көзі кітапта» атты кітап көрмесі ұйымдастырылды. Іс- шараның басында білім туралы мәлімет берді. Кітапханашы балаларға сұрақ қойды, мысалы: Балалар білім не үшін қажет? Білімді жинауға не керек? Балалар өз пікірлерін айтып берді. Абай атамыз айтқандай, білім – адам жанының азығы десек, кітап – сол білімді алудың басты құралы. Білімді болумен қатар рухани жандүниеміз бай, ойымыз жүйрік, адамгершілік, ар–ұят, кішіпейілік, ізгілік, қайырымдылық қасиеттер де болу керек. Осы қасиеттерді бойға сіңіретін жақсы досы - кітап. Балалармен «Иә, жоқ» атты ойын өткізді, мақал – мәтелдерді жалғастырды және оқу, білім туралы жұмбақтар шешті. Соңында кітап көрмесіне шолу жасалды.