«Атамұра» мәдениет орталығында қыркүйек айынан бастап дәстүрлі әнші Жомарт Қабыкеновтің жетекшілігімен «Жас толқын» дәстүрлі ән клубы өз жұмысын бастады.

Клубтың мақсаты - қазақ халқының рухани жәдігерлерінің бірі - дәстүрлі ән өнерін, оның ішінде халық әндерін кеңінен дәріптеу, насихаттау. Талай ғасырдың сүзгісінен өтіп, бүгінге жет-кен ұлт мұрасын жастардың санасына сіңіріп, дәстүрлі ән өнері жолында бағыт-бағдар беру. Клубқа қаламыздың 10-16 жас аралығындағы жасөспірімдері қабылдануда. Қазіргі таңда қаламыздың №№11, 22, 33, 18 жалпы орта білім беретін мектептерінің оқушыларынан тапсырыс қабылданды.

Клубта жастарға дәстүрлі ән өнерін үйретіп қана қоймай, өңірімізге белгілі кәсіби мамандармен кездесулер ұйымдастырылып, асыл өнерді өміріне серік етемін, осы саланың маманы боламын деген жеткіншектерге ақыл-кеңес беріліп, бағыт көрсетіледі. Клубтың бір мүшесі болып, ұлттық өнерді тереңірек танығым келеді деген жастарға есігіміз ашық. Қосымша ақпарат аламын деушілер болса, «Атамұра» мәдениет орталығына (2786-52) немесе жетекшіге (8 705 6404256) хабарласуына болады.