Биылғы жылдың 3 маусымынан 21 маусым аралығында мектебімізде жазғы «Қарлығаш» лагері жәнеұл кезеңде лагерь басшысы — С. Қайырбеков және тәлімгерлер: Р.Шалхыманова, А.Уақбаев, А.Уақбаева, К.Ташмағанбетова, Ж.Көпежанова жұмыс атқарып, балалар демалысының мазмұнды өтуін қамтамасыз етті. 

 Ауылдық клуб әдіскері Г.Қадырова рәміздер күніне арналған суреттер сайысын ұйымдастырып жүлде алған балаларға сыйлықтар таратты. 

 Ауыл кітапханасында кітапханашы А.Қорабаеваның ұйымдастыруымен «Абай әлемі» атты танымдық көрме өтті. 

 Лагерь бағдарламасы өте мазмұнды әрі қызықты болды. Лагерь бағдарламасына танымдық ойындар, викториналар, байқаулар, спорттық ойындар енгізілді. Спорттық іс-шаралар да (дәстүрлі таңғы жаттығулар, таңғы ас, түскі ас) жүргізілді. Тапсырмаларды орындаған соң, балалар естелік сыйлықтармен марапатталды. Лагерьдің соңғы күні балалар Құлакөл ауылында орналасқан Ақбидайық шатқалына саяхаттап, тастардағы таңбалар балаларды қызықтыра түсті және естелікке суреттер түсіріп алды. Жазғы демалысты лагерьде ұйымдастыру формасы үлкен тәрбиелік, танымдық және дамытушылық сипатқа ие деп білеміз. 

 Балалардың демалуына демеушілік жасаған «Асфальтобетон» ЖШС, балмұздақ таратқан «Удача» дүкеніне алғысымыз шексіз.