Ата Заң - бабалар аманаты. Кешегі «Қасым ханның қасқа жолы», «Есім ханның ескі жолы», Тәуке ханның «Жеті жарғысының» жалғасы, заңды мұрагері - біздің бүгінгі Конституциямыз.
Мемлекеттік мереке - Конституция күні қарсаңында орталық кітапхананың ұйымдастыруымен «Елімнің еркіндігі - Ата Заңым» шарасы өтіп, оған «Павлодар облысы мамандандырылған күзет қызметі басқармасы» мемлекеттік мекемесі 2-полиция батальонының қызметкерлері қатысты. Іс-шара барысында заңдардың те-мірқазығы болып табылатын Конституцияның идеялары қоғам мен мемлекетті өркениетті елдердің қатарына жетелейтіні айтылды. Сондай-ақ, тақырыптық көрмелер көрсетіліп, электрондық кітап көрмесіне шолу жасалды.