Жақында Фин және Ұлы Отан соғысының ардагері, ағартушы ұстаз, қаламгер Ханафия Асқаровтың қызы Гүлжиян Әбеужинованың «Әкем туралы ой-толғау» атты кітабы жарық көрді.

Кітап 3 бөлімнен тұрады. Алғашқы бөлімде автор әкесі Ханафия Асқаровтың өмірдерегінен сыр шертеді. Әкесінің көзін көрген замандастарының, шәкірттерінің ес-теліктері енгізілсе, 2-бөлімде әкесінің жеке мұрағатында сұрыпталған қолжазбаларына, көзі тірісінде жинақтап, бірақ жарыққа шығара алмай кеткен шығармаларына кезек беріледі. 

3-бөлімге Ханафия Асқаровтың және автордың жеке мұрағатынан алынған фотосуреттер кіріп отыр. 

«Балаларының тұңғышы ретінде әкемнің маған деген көңілі алабөтен еді. Майданда жүргенде анам Нақияға үзбей хат жазып, мені тапсыратын. Әкемнің қолға алған соңғы кітабының аяқталмай қалғаны жаныма батты. Перзенттік парызымды өтеу мақсатында соңғы кітабын талғамы мол оқырман қауымға ұсынып отырмын», - дейді автор, қызы Гүлжиян Ханафияқызы. 

Бұл кітаптың жас ұрпаққа берер тәлімді тәрбиесі мол.