Екібастұз қаласының әкімдігі «Екібастұз қаласы әкімдігінің қаржы бөлімі» ММ тұлғасында «Нұрлы жер» тұрғын үй құрылысы бағдарламасына «Бақытты отбасы» бағыты бойынша ЖАО-да кезекте тұрғандарға келесі санаттар үшін «Қазақстанның тұрғын үй құрылыс жинақ банкі» АҚ-ға жолдама алуға өтініштер қабылдайтынын хабарлайды:

- көпбалалы отбасылар; 

- толық емес отбасылар; 

- мүгедек балалары бар немесе мүгедек балаларды тәрбиелеп отырған отбасылар; 

Бағдарламаға қатысу үшін өтініш берушілер мынадай құжаттарды ұсынады: 

1) өтініш; 

2) өтініш берушінің және оның отбасы мүшелерінің жеке басын куәландыратын құжат; 

3) неке қию/бұзу, жұбайының (зайыбының) қайтыс болуы, балалардың тууы туралы куәліктері;

4) өтініш беруші және онымен тұрақты тұратын отбасы мүшелерін тіркеу туралы мекенжай анықтамасы; 

5) өтініш берушіде және онымен тұрақты тұратын отбасы мүшелерінде Қазақстан Республикасы бойынша меншік құқығында оларға тиесілі тұрғын үйдің жоқ немесе бар екендігі туралы анықтама; 

6) жылжымайтын мүлікке тіркелген құқықтар және оның техникалық сипаттамалары туралы анықтама (үлесі, саман және қаңқалы-қамыс түріндегі тұрғын үйлер, жатақханалардағы бөлмелер болған жағдайда), сондай- ақ, осы жағдайларда меншік құқығының туындағанын растайтын құжаттар. 

7) соңғы 6 (алты) ай ішіндегі табысы туралы мәліметтер (жалақы туралы анықтама), еңбек және (немесе) кәсіпкерлік қызметтен алынған отбасылық жиынтық табысының болуы (балалары бар отбасыларға мемлекеттік жәрдемақыларды есептемегенде, АӘК, алименттер, т. б.); 

8) өтініш берушінің санаттарға қатыстылығын растайтын құжат. 

Өтініштер 2019 жылдың 22 шіл-десінен 31 шілдесіне дейін, дүйсенбі - жұма күндері сағат 9.00-ден 17.00-ге дейін қабылданады, түскі үзіліс: сағат 13.00-ден 14.30-ге дейін, демалыс күндері: сенбі, жексенбі. 

Мекен-жайы: Екібастұз қаласы Энергетиктер көшесі, 62, 204, 206 «А» кабинет. 

Осы бағдарламаның шарттары: 

1) Жоғарыда көрсетілген санаттардың бірі бойынша тұрғын үй кезегіне тұру; 

2) Отбасының бір мүшесінің табысы 42500 теңгеден аспауы тиіс; 

3) Несиелеудің ең жоғары сомасы - 10 млн. теңге; 

4) Несие беру мерзімі 20 жылға дейін; 

5) Бастапқы жарна тұрғын үй құнының 10%-ы мөлшерінде; 

6) Бастапқы және қайталама нарықта және жеке тұрғын үйлерді сатып алуға болады. 

Анықтама: кәмелетке толмаған балалармен толық емес отбасы, неке бұзылған сәттен бастап 3 жыл мерзім өтуі (толық емес отбасылар үшін); жоғары оқу орындарында, колледждерде және басқа оқу орындарында күндізгі бөлімде оқитын 23 жасқа дейінгі балаларды қоса алғанда, төрт және одан да көп кәмелетке толмаған балалары бар көп балалы отбасы; мүгедек балалары бар немесе мүгедек балаларды тәрбиелеп отырған отбасы (мүгедектігі туралы анықтама).